அரசு ஊழியர்களுக்கு கட்டுப்பாடு… செலவுகளைக் குறைக்க தமிழக அரசு புதிய விதிமுறைகள்!

அரசு ஊழியர்களுக்கு கட்டுப்பாடு… செலவுகளைக் குறைக்க தமிழக அரசு புதிய விதிமுறைகள்!

Loading...

தற்போது பொருளாதார நெருக்கடியில் இருக்கும் தமிழக அரசு நடக்கும் நிதியாண்டில் செலவினங்களை குறைக்க முன்வந்துள்ளது.

கடந்த 2 மாதங்களாக அரசுக்கு எந்த வொரு வருவாயும் இல்லாத நிலையில் கொரோனா கால பேரிடர் செலவையும் சமாளித்து வருகிறது. மேலும் அரசு ஊழியர்களுக்கான சம்பளத்தையும் கொடுத்து வருகிறது. இதற்கான செலவுகளை சமாளிக்க மத்திய அரசிடம் இருந்த கேட்ட தொகையும் கைக்கு வரவில்லை. அதனால் தற்போது தமிழகத்தின் நிதி நிலைமை மிகவும் மோசமாக உள்ளது.

Loading...

இந்நிலையில் ஊரடங்குக்குப் பின் தமிழகத்தின் பொருளாதார வளர்ச்சி குறித்து ஆய்வு நடத்துவதற்காக முன்னாள் பிரதமரின் பொருளாதார ஆலோசனைக் குழுத் தலைவருமான சி.ரங்கராஜன் தலைமையில் ஒரு குழு அமைக்கப்பட்டுள்ளது. இது ஒரு பக்கம் செலவினங்களைக் குறைக்க தமிழக அரசு முடிவு செய்துள்ளது. அதன்படி நடப்பு நிதியாண்டில் அரசு செய்யும் மொத்த செலவுகளில் 20 சதவீதத்தைக் குறைக்க திட்டமிட்டுள்ளது. அதற்காக பல அறிவிப்புகளை தலைமைச் செயலாளர் கே சண்முகம் வெளியிட்டுள்ளார்.

அந்த அறிவிப்புகளில் முக்கியமானாவை:-

  • அரசு செலவிலான மதிய விருந்து, இரவு விருந்து நிகழ்ச்சிகள் அனைத்தும் ரத்து செய்யப்படுகிறது
  • அலுவலகத் தேவைகளுக்கான ஃபர்ன்ச்சர்கள் வாங்குவது 50 சதவிகிதம் குறைக்கப்படுகிறது.
  • அரசு விழாக்களில் சால்வைகள், பூங்கொத்துகள், நினைவுப் பரிசுகள் வழங்குவது உள்ளிட்டவை தவிர்க்கப்பட வேண்டும்.
  • அரசு உயரதிகாரிகள் உயர் வகுப்பு விமானங்களில் பயணம் செய்ய தடை விதிக்கப்பட்டுள்ளது.
  • வெளிமாநிலங்களுக்கு விமானங்களில் செல்லும்போது ரயில்கட்டணத்துக்கு இணையானத் தொகைதான் வழங்கப்படும்.
  • அனைத்து அரசு அலுவலகங்களிலும் புதிய பணியிடங்களை ஏற்படுத்த தடை விதிக்கப்படுகிறது. ஏற்கனவே உள்ள காலி பணியிடங்களை நிரப்பலாம்.
Loading...

Be the first to comment

Leave a Reply

Your email address will not be published.


*