ரத்து செய்யப்பட்ட திமுக வின் அனைத்துக் கட்சிக் கூட்டம்! பின்னணி என்ன?

ரத்து செய்யப்பட்ட திமுக வின் அனைத்துக் கட்சிக் கூட்டம்! பின்னணி என்ன?

Loading...

திமுக சார்பில் இன்று ஏற்பாடு செய்யப்பட்டு இருந்த அனைத்துக் கட்சி கூட்டம் சென்னை மாநகராட்சி அனுமதி மறுப்பால் தள்ளி வைக்கப்பட்டுள்ளது.

கொரோனா பாதிப்பு சம்மந்தமாக ஆலோசனை நடத்துவதற்காக திமுக சார்பில் அண்ணா அறிவாலயத்தில் இன்று அனைத்துக் கட்சி கூட்டம் ஏற்பாடு செய்யப்பட்டு இருந்தது. இதில் திமுகவின் கூட்டணிக் கட்சிகள் அனைத்தும் கலந்துகொள்ளப்படும் என அறிவிக்கப்பட்டது.

Loading...

இந்நிலையில் அந்த கூட்டத்துக்கு சென்னை மாநகராட்சி அனுமதி மறுத்துள்ளது. இது சம்மந்தமாக திமுக தலைவர் மு க ஸ்டாலின் வெளியிட்டுள்ள அறிக்கை பின்வருமாறு:-

ஊரடங்கு நடைமுறையில் இருக்கின்ற நேரத்தில் கொரோனா நோய்த் தொற்று குறித்து முதலமைச்சர், அமைச்சர்களுடனும், அதிகாரிகளுடனும், தலைமைச் செயலாளர் உள்ளிட்ட துறை அதிகாரிகளுடனும் – ஏன், மருத்துவ நிபுணர்களுடனும், மதத் தலைவர்களுடனும் ஆலோசனைக் கூட்டங்கள் தலைமைச் செயலகத்தில் நடத்தப்பட்டுள்ளன. அந்த அடிப்படையில் கொடிய கொரோனா நோய் குறித்து 15.4.2020 அன்று நடைபெறும் வகையில் அனைத்துக் கட்சித் தலைவர்களின் கூட்டத்திற்கு திராவிட முன்னேற்றக் கழகம் சார்பில் அறிவிப்பு வெளியிடப்பட்டது.

ஆனால் திராவிட முன்னேற்றக் கழகம் அந்தக் கூட்டத்தை நடத்தக் கூடாது என்று காவல்துறை மூலம், அதிமுக அரசு நோட்டீஸ் கொடுக்க வைத்தது. தனிமனித இடைவெளி விட்டு, அரசின் பாதுகாப்பு விதிகளுக்கு உட்பட்டு, கூட்டம் நடத்தப்படும் என்று மீண்டும் திராவிட முன்னேற்றக் கழகம் சார்பில் உறுதிமொழி அளிக்கப்பட்டும் – சென்னை மாநகர காவல்துறை, தி.மு.க.வின் அனைத்துக் கட்சிக் கூட்டத்திற்கு அனுமதி மறுத்திருக்கிறது.

கொரோனா நோய்த் தடுப்புப் பணிகள் நடைபெற்றுக் கொண்டிருக்கும் இந்த நேரத்தில், அதிமுக அரசு பிடிவாதமாகச் செய்வது போல், ஜனநாயக நெறிகளுக்கு முரணான அரசியல் செய்ய, திராவிட முன்னேற்றக் கழகம் சிறிதும் விரும்பவில்லை. தமிழக மக்களின் நலன் சார்ந்த பிரச்சினை குறித்து , திராவிட முன்னேற்றக் கழகம் கூட்டிய அனைத்துக் கட்சிக் கூட்டம் ரத்து செய்யப்படுகிறது என்றும்; 16.4.2020 (வியாழக்கிழமை) காலை 11 மணி அளவில் அன்று அனைத்துக் கட்சிகளின் இந்த ஆலோசனைக் கூட்டம், காணொலிக் காட்சி மூலம் நடைபெறும் என்றும் தெரிவித்துக் கொள்கிறேன். 

Loading...

Be the first to comment

Leave a Reply

Your email address will not be published.


*